Жоан Лапорта "Негрейра иши" бўйича изоҳ берди
- 23-феврал, 23:11
- Bilolbek Imomov
- 0
- Футбол
"Барселона" президентлигига номзод ва клубнинг собиқ раҳбари Жоан Лапорта "Негрейра иши" юзасидан фикр билдирди.
2023 йилда "Барселона" ва унинг раҳбариятига Испания Қироллик футбол федерациясида ишлаган, техник ҳакамлар қўмитаси вице-президенти бўлган Хосе Мария Энрикес Негрейрага тўловлар амалга оширилгани учун "пора" бериш айби қўйилган эди. Суд 2001 йилдан 2018 йилгача бўлган даврда клуб томонидан бир неча миллион евро тўланганини жиноят деб баҳолаган.
"Бу ҳакамлар бўйича маслаҳат хизматлари эди, ўша пайтда бу тўлиқ рухсат этилган амалиёт ҳисобланарди.
Айримларда бу жараённи сунъий равишда чўзишга манфаатдорлик бор, гарчи бу мақсадга мувофиқ бўлмаса ҳам. 72 йил давомида ҳакамлар раҳбариятида “Реал” аъзолари ёки ходимлари бўлган", – деди Лапорта.