Жейк Пол: "Жағим синди, бироқ миям жойида!"

Америкалик блогер ва боксчи Жейк Пол британиялик Энтони Жошуага қарши жангдан сўнг соғлиғи ҳақида гапириб, мухлисларни янги йил билан табриклади.

"Жағим синди, лекин мия ва умуртқа поғонаси соғлом. Ўзимни ҳеч қачон бундан кўра ғайратли ҳис қилмаганман. Бутун дунёдаги барчага янги йил муборак бўлсин. Олдинга интилишдан асло тўхтаманг. Агар уриниб кўрмасангиз, 100 фоиз муваффақиятсизликка учрашингиз аниқ", - деб ёзди америкалик ижтимоий тармоқдаги саҳифасида.

Эслатиб ўтамиз, Пол 20 декабрь куни ўтказилган баҳсда Жошуадан олтинчи раундда нокаутга учради.