Жейк Пол: "Бу жанг мен учун энг қийини эди"

Таниқли блогер ва боксчи Жейк Пол фаолиятидаги энг қийин ўтган баҳсни эсга олди.

"Машҳур жангчи Нейт Диаз билан жангим кечагидек ёдимда. Ўшанда жуда оғир баҳс бўлганди. 10 раундлик зарбалар ёмғиридан сўнг ғалаба қозонганимни ҳеч қачон унутмасам керак. Мазкур тўқнашув менга катта тажриба берган. Бу учун Диазга алоҳида рахмат айтаман", - дея Полнинг сўзларини келттирди talkSPORT портали.

Эслатиб ўтамиз, Жейк Пол (10-1, 7 КО) 15 ноябрь куни АҚШ да бокс афсонаси Майк Тайсон(50-6, 44 КО)га қарши рингга кўтарилади.