"ЖЧ-2026" саралаши. Эрон терма жамоаси ҳимоясида жароҳатлар! Ўзбекистонга қарши учрашув олдидан яна бир футболчи жароҳат олди

Хабарингиз бор, Ўзбекистон терма жамоаси октябрь ойида "ЖЧ-2026 саралаши" доирасида Эрон ва БАА терма жамоалари билан ўйнайди. 

Дастлаб, 10 октябрь куни "Бунёдкор"да Эронни қабул қиламиз. Мазкур беллашувга тайёргарлик бошлаб юборилган. Кеча термамиз "Жар"да машғулотларни бошлади.  Рақибларимиз ҳам кеча терма жамоа баъзасида йиғилди ва тайёргарликни бошлади.

Ушбу машғулотларда "Истиқлол" клуби ва  терма жамоа етакчиларидан бири Аболфазл Жалоли жароҳат олиб машғулотларни тарк этган. Ҳозирча жароҳатнинг қанчалик жиддийлиги ноъмалум. "Varzesh3" нашри хабарига кўра, 26 ёшли ҳимоячи МРТ текширувидан ўтади ва ҳаммаси шундан сўнг аниқ бўлади.

Эслатиб ўтамиз, Эрон терма жамоа ва "Персеполис" ҳимоячи Ҳусайн Канони жароҳати сабаб бу йиғинни ўтказиб юбормоқда.