Ислом Махачевнинг фаолиятидаги энг қийин рақиб ким эди? Таниқли мураббий жавоб берди

Таниқли мураббий Хавьер Мендес енгил вазн тоифасида UFC чемпиони Ислом Махачевнинг фаолиятидаги энг қийин рақиб ким бўлганини айтди.

"Эҳтимол, Исломнинг Дастин Порье билан жанги унинг фаолиятидаги энг оғири бўлгандир. Ўшанда фақатгина дастлабки раундда Махачев устунлик қилганди, бироқ қолган раундлар... Александр Волкановскига қарши биринчи баҳсда Ислом бешинчи раунддагина қийналганди холос" - дея Мендеснинг сўзларини келтирди "Sportskeeda".

Эслатиб ўтамиз, "UFC 302" турнирида Ислом Махачев 5-раундда Дастин Порьени сабмишн орқали мағлуб этганди.