Ислом Махачев: "Хабиб Конорни психологик жиҳатдан синдириб ташлаган"

Енгил вазнда (70 кг) UFC собиқ чемпиони Ислом Махачев ирландиялик юлдуз Конор Макгрегор ҳақида гапирди.

"Конор ҳеч қачон октагонга қайтмайди. Чунки Хабиб Нурмагомедов уни психологик жиҳатдан синдириб ташлаган. Мен буни икки йил олдин айтгандим. Эшитишимча, айни дамда Макгрегор антидопинг комиссияси томонидан дисквалификация қилинган. Мен фақатгина Жон Жонснинг Оқ Уйдаги турнирда иштирок этишига ишонишим мумкин", - деди россиялик "Complex News" You Tube каналига берган интервьюсида.

Эслатиб ўтамиз, Хабиб ва Конор тўқнашуви 2018 йил 6 октябрь куни "UFC 229" турнирида бўлиб ўтган ва унда Россия вакили 4-раундда сабмишн эвазига ғалаба қозонган эди.