Ислом Махачев жамоаси Илия Топуриянинг таҳдидларига кескин жавоб қайтарди

Аввалроқ, UFC юлдузи Илия Топурия енгил вазнда амалдаги чемпион Ислом Махачев билан жанг қилса, уни Хабибнинг кўз олдида бўғиб қўйишини айтганди. Шундан сўнг менежер Али Абдель-Азиз бу таҳдидларга кескин жавоб қайтарди.

"Махачев охирги 9 та жангидан 8 тасида муддатдан аввал ғалаба қозонди. Унинг бундай натижасини ҳар ким ҳам такрорлай олмайди. Шу боис Илия ўзига ортиқча баҳо бермаслиги керак. Ислом билан ҳазиллашиб  бўлмайди" - деб ёзди Абдель-Азиз ижтимоий тармоқда.

Маълумот учун, Ислом Махачевнинг профессионал ММА даги рекорди - 27 та ғалаба, 1 та мағлубият. Илия Топурия эса 16 та учрашувнинг барчасида зафар қучган.