Искандеровнинг "Соннам"и Ашурматов жамоасидан устун келди

Жанубий Корея чемпионати 31-тури доирасида "ўзбекча дерби" бўлиб ўтди.

Жамшид Искандеров ҳаракат қилаётган "Соннам" клуби ўз майдонида Ашурматовнинг "Канвон"ини мағлуб этди. Мезбонлар вакили Ма Санг Хун дубль муаллифига айланди ва жамоасига ғалаба келтирди.

Шу тариқа, очколари сонини 34 тага етказиб олган "Соннам" 9-поғонага кўтарилиб олди. 27 очко жамғарган "Канвон" 12-ўринни банд этган.