Ишсиз юрган юлдуз “Барса” эшигини қоқди

“Манчестер Юнайтед” ва Англия терма жамоасининг собиқ футболчиси Жесси Лингард ёздан бери ўзига янги жамоа топа олгани йўқ.

31 ёшли ярим ҳимоячи барча агентларини ҳайдаб, ўзи иш қидира бошлади.

ESPN Deportes нашрининг хабар беришича, Лингард шахсан “Барселона”га мурожаат қилиб, ўзининг хизматларини таклиф қилган.

Каталонияликлар ҳали англиянинг футболчининг таклифига жавоб қайтаргани йўқ. Кейинги йилларда “Барса” молиявий инқироз туфайли асосан эркин агент мақомидаги ўйинчиларни ўз сафига қўшиб олмоқда.

Жесси Лингард манчестерликлар билан хайрлашганидан кейин “Ноттингем Форест” сафига қўшилган эди. Бироқ бу клуб ҳам бир йиллик ҳамкорликдан кейин Лингардни кўчага кузатиб қўйди.