Исак "Ньюкасл" ихтиёрига қайтди

Швеция терма жамоаси ва "Ньюкасл" ҳужумчиси Александр Исак душанба куни эрталаб жамоа базасига қайтди. 25 ёшли футболчи кичик жароҳатдан тикланиш жараёнида уч ярим соат давомида индивидуал машғулотлар ўтказди. Бу ҳақда "Sky Sports" журналисти Кит Дауни хабар берди.

Аввалроқ Исак "Ньюкасл" жойлашувини тарк этган ва маълум вақт давомида ўзининг собиқ клуби — "Реал Сосьедад" базасида машғулот олиб борганди.

Бу ҳолат ортидан "Ливерпул"га эҳтимолий трансфер борасидаги миш-мишлар янада кучайди. Аввалги хабарларга кўра, мерсесайдликлар Исак учун янги таклиф юбориши мумкин. Бу жараён "Ньюкасл" янги ҳужумчи билан шартнома имзолагандан сўнг амалга ошиши кутилмоқда. 

Бу янги форвард эса "Лейпциг" ҳужумчиси Шешко бўлмоқда. Айрим манбалар словениялик ҳужумчи учун "Манчестер Юнайтед"ни ҳам ортда қолдириб, футболчини илиб кетаётганини ҳам ёзаётган эди.