Ирландиялик боксчи: “Спортда допингсиз юқори чўққига чиқиш жуда қийин”

Ирландиялик боксчи Майкл Конлан спортда допинг ва иш фаолиятини оширувчи дорилар (PED – Performance Enhancing Drugs) ҳақида ўз фикрини билдирди. 

“Ҳа, менимча, уларни жуда кўпчилик ишлатади. АҚШ доимо бу борада олдинда бўлган. Россия ҳамиша етакчи. Буюк Британия ҳам, маълум маънода, шу йўлда ҳаракат қилмоқда. Ҳар ерда фаол равишда допинг ишлатаётган спортчилар бор. Бироқ мен бундай қилмайман. Карьерам тугаганда, натижам қандай бўлишидан қатъи назар, ойнага қараб, мен ўз йўлимдан бордим ва ҳалол бўлдим, деб айта оламан”, — деди Конлан "Boxing Scene" га берган интервьюсида.

Маълумот учун, Майкл профессионал боксчи сифатида 20 та ғалаба ва 3 та мағлубият қайд этган.