"Интер" футболчиси жамоани тарк этишга қарор қилди

"Интер" футболчиси Артуро Видаль жамоани тарк этадиган бўлди. Бу ҳақда Милан клуби матбуот хизмати хабар берди. 

Футболчи ва клуб ўзаро келишган ҳолда ҳамкорликни бекор қилган. Шу тариқа, Видаль эркин агентга айланди. 

Айни пайтда Артуро фаолиятини Бразилияда давом эттириши кутилмоқда. У "Фламенго" клуби билан музокаралар олиб бормоқда.

Маълумот ўрнида, чилилик ярим ҳимоячи ўтган мавсум А Сериянинг 27 баҳсида битта гол ва яна шунча ассист қайд этган.