Илия Топурияни ким тўхтата олади? Майкл Чандлер жавоб берди

Америкалик UFC жангчиси Майкл Чендлер 70 кг да амалдаги чемпион Илия Топурия учун муносиб рақиб топди.

"Жастин Гэтжи Илия учун яхшигина синов бўла олади, деб ўйлайман. Ҳар ҳолда, мен ушбу тўқнашувда Жастинга устунликни берган бўлардим. Чунки у яна юқори формасига қайтмоқда. Гэтжи Топурияга қарши тактик кураш олиб бориб, муваффақият қозонишига ишонаман", - дея Чендлернинг сўзларини келтирди "Bloody Elbow".

Эслатиб ўтамиз, Жастин охирги жангида Рафаэль Физиев устидан ҳакамларнинг якдил қарорига кўра ғалаба қозонган эди.