Икардининг ортидан Наингголан ҳам "Интер" қароргоҳини тарк этди
- 15-июл 2019, 13:04
- Baxtiyorjon Toshtemirov
- 0
- Футбол
Миланнинг “Интер” клуби айни дамда Швейцарияда ўқув-йиғин машғулотлари олиб бораётганидан хабарингиз бор.
Бундан аввалроқ ҳужумчи Мауро Икарди “нерадзуррилар” қароргоҳини тарк этган эди. Унинг ортидан эса бельгиялик ярим ҳимоячи Ража Наингголан ҳам миланликлар сафини тарк этди.
La Gazzetta dello Sport нашри тарқатган хабарга кўра Наингголан ҳам худди Икарди сингари мавсумга якка тартибда тайёрланмоқчи.
Эслатиб ўтамиз, бундан аввалроқ “Интер” президенти юқорида номлари тилга олинган икки футболчи жамоа режаларига кирмаслигини айтган эди. Бироқ, Икарди “Интер”дан кетмоқчи эмас.
Маълумот учун, “Интер” Наингголанни бундан бир йил муқаддам “Рома”дан 38 млн евро эвазига сотиб олган эди. 31 ёшли футболчи ўтган мавсум 36та ўйинда иштирок этди ва 7та гол ҳамда 3та голли узатмага муаллифлик қилишга эришди.