"Пахтакор" футболчиси Игорь Сергеев РПЛнинг “Крылья Советов” жамоасига ўтмайди. Бу ҳақда клуб бош мураббийи Магомед Адиев россиялик журналист Александр Троицкий билан суҳбатда маълум қилган.
“Биз Сергеев номзодини кўриб чиққан эдик. Мен шахсан Игорь билан ҳам гаплашдим. Лекин ўйлайманки, у "Крылья"га келмайди. Ҳужумчининг бошқа режалари бор. Айтайлик, баъзи нуқталарда фикрларимиз мос келмади.
Игорь жуда малакали футболчи. Шу боис, албатта, унга қизиқиш бўлган. Унга узоқ ва муваффақиятли карьера тилайман, жаҳон чемпионатида ўзини кўрсата олсин. Биз унга ва Ўзбекистон терма жамоасига мухлислик қиламиз.”
Аввалроқ, Сергеев Эроннинг “Персеполис” клуби билан келишувга эришгани ҳақида хабарлар пайдо бўлган эди.
Изоҳлар (0)
Ҳозирча изоҳлар йўқ