Ибрагимович топ-5 да энг кўп гол урганлар рўйхатида нечанчи ўринга кўтарилиб олди?

"Милан" форварди Златан Ибрагимович А Сериянинг 19-турида "Кальяри" (2:0) га қарши кечган баҳсда гол уришга эришди.

Бу швециялик футболчининг миланликлар таркибига қайтганидан кейин, урган илк голи бўлди ва унинг топ-5 лигаларда урган голлари сони 269 тага етди.

Шу қаторда, Златаннинг А Сериядаги голлари сони 123 тага етди. У АПЛ ("Манчестер Юнайтед"), Ла Лига ("Барселона") ва Лига 1 (ПСЖ) да ҳам фаолият олиб борган.

Топ-5 лигаларда энг кўп гол урган футболчилар рўйхатида 38 ёшли ҳужумчи "Шальке"нинг собиқ футболчиси Клаус Фишерни ортда қолдириб, 11-ўринга кўтарилиб олди.

Ибрагимовичдан бир поғона юқорида "Лацио" клубида тўп сурган Сильвио Пиола 274 та гол билан жой эгаллаб турипти.