Ҳусановнинг рақобатчисига хушхабар

Ёз охирига келиб, Европа футболида трансфери бозори анча жонланиб қолди. Авлодлар алмашинуви жадал давом этаётган “Манчестер Сити” бир неча чиқиш трансферлари устида иш олиб бормоқда.

Хусусан, Хосеп Гвардиола ёши катта ўйинчилар ўрнига асосан истеъдодли ёшлар хизматидан фойдаланишга эътибор қаратмоқда. Европа футболи манбалари жамоанинг Илкай Гюндоған, Эдерсон, Штефан Ортега, Мануэль Аканжи каби тажрибали ўйинчиларига даъвогарлар кўплигини ва музокаралар давом этаётганини ёзмоқда.

“Манчестер Сити” 30 ёшли швейцариялик марказий ҳимоячи Мануэль Аканжини сотиб юборишга қарор қилган. Нуфузли манба –  esteemedkompany.com портали эксперт Адам Марреттнинг таъкидлашича, клубнинг бу қарори Хосеп Гвардиола Аканжининг ўрнига янги мавсумда Абдуқодир Ҳусановни кўпроқ ўйнатишни мақсад қилгани билан боғлиқ.

“Шаҳарликлар” яқинда “Галатасарой”нинг Аканжи бўйича 15 миллион фунт стерлинг бадал суммаси кўрсатилган таклифини қабул қилганди. Бироқ Мануэлнинг ўзи Туркия Суперлигасига кўчиб ўтиш вариантини маъқулламай турибди.

Шу воқеадан кейин Аканжи олдида янги лойиҳаларга йўл очилди. Таниқли инсайдер Фабрицио Романонинг таъкидлашича, швейцариялик ҳимоячига  Италиядан “Милан”, Германиядан “Байер” ва Англиянинг ўзидан “Кристал Пэлас” ҳамкорлик шартномасини беришга тайёр.

Айни пайтда Аканжи кейинги фаолиятини қаерда давом эттириш ҳақида бош қотиряпти. Унинг “Манчестер Сити” билан амалдагишартномаси яна икки йил давом этади.

“Манчестер Сити”нинг трансфери ўхшамаяпти

“Манчестер Сити” мутасаддилари ПСЖдан италиялик дарвозабон Жанлуижи Доннаруммани олиш бўйича музокара ўтказаётган эди.

“Шаҳарликлар” 26 ёшли посбон билан шахсий шартномани келишиб бўлган ва ҳамкорликнинг ҳар мавсуми 12 миллион евро маошга келишилган. Доннарумма клубдан кетишини айтиб, парижлик мухлислар билан хайрлашиб ҳам қўйди.

Клублар ўртасидаги музокараларда “Пари Сен-Жермен” аввалига 50 миллион еврога баҳоланган дарвозабон учун бадал тўловини 30-35 миллион еврогача туширди. Бироқ манчестерликлар бир йиллик шартномаси қолган Доннарумма учун ПСЖга 15 миллион евро таклиф қилди.

Журналист Дэвид Орнштейннинг ёзишича, мана шу таклифдан кейин ҳар икки клуб ўртасидаги музокаралар тўхтаб қолди. Трансфер охирига етгани йўқ. Париж клуби вакиллари эртами-кечми бу трансфер амалга ошишига умид қилмоқда.

“Манчестер Сити”нинг қарори “Реал” юлдузи Родригонинг йўлини ёпди

“Манчестер Сити” ёзги трансферлар даврида ҳужум чизиғида жиддий ўзгариш қилмоқчи эди. Гап шундаки, “шаҳарликлар”нинг 21 ёшли ҳужумкор футболчиси Савиога “Тоттенхэм” харидор бўлди.

“Шпорлар” ҳужум салоҳиятини ошириш мақсадида Савио учун аввал 56 миллион евро пул тикди. Кейин бу сумма 70 миллион еврогача кўтарилди.

“Манчестер Сити” Савио ўрнига “Реал”дан кетишга розилик берган Родригони олиб келишни мўлжаллаганди. Ёз охирига келиб, клуб жиддий қарорларни қабул қилди.

Таниқли инсайдер Фабрицио Романонинг таъкидлашича, “Манчестер Сити” мутасаддилари “Тоттенхэм”га Савиони ҳозирча ҳеч қандай нархга сотмаслигини маълум қилди. Бу қарор ўз-ўзидан Родригонинг Манчестерга йўлини ёпди.

Гвардиола Италиядаги юлдузни кутяпти

“Манчестер Сити” бош мураббийи Хосеп Гвардиола жамоа таркибини янада кучайтириши мумкин бўлган ўйинчиларни танлашга алоҳида эътибор қаратмоқда.

Caught Offside нашрининг ёзишича, “шаҳарликлар” жамоага “Аталанта” ҳужумчиси Адемола Лукманни олиб келиш вариантларини ўрганиб чиқмоқда. Аслида 27 ёшли форвардга “Интер” асосий даъвогар эди.

Манбанинг маълум қилишича, миланликлар Лукман трансфери бўйича бергамоликлар билан бадал суммасини келиша олмаган ва трансфер барбод бўлган.

Нигериялик футболчига аввалдан “Арсенал” ва “Челси” ҳам қизиқиш билдираётган эди. Бироқ улар амалий ҳаракатларга ўтгани йўқ.

 Transfermarkt портали экспертлари Лукманнинг нархини 60 миллион еврога баҳолаяпти. Унинг “Аталанта” билан шартномаси яна икки мавсум давом этиши белгиланган.

Файзуллаев узоқ танаффус олишга мажбур бўлди

Ҳусанов бор, бу юлдуз керак эмас!

Гвардиола Ҳусанов бўйича қарорини айтди

Гвардиола, Ҳусановдан воз кечиб, катта хато қилдинг!