Ҳусановнинг жамоадошига иккита катта харидор чиқди
- 14-март 2025, 17:40
- Zohir Toshxo’jayev
- 0
- Футбол
Сўнгги маълумотларга қараганда, “Манчестер Сити” ҳужумкор футболчиси Фил Фоден фаолиятини Европанинг бошқа гранд клубларида давом эттириши мумкин.
24 ёшли футболчининг атрофидаги вазиятни “Реал” ва “Бавария” синчковлик билан кузатиб бормоқда. Агар “Манчестер Сити” раҳбарияти ўз тарбияланувчисини қўйиб юборадиган бўлса, испан ва немис грандлари музокара бошлашга тайёр бўлиб турибди.
El Nacional нашрининг ёзишича, айни пайтда англиялик футболчининг асл нархи 120 миллион фунт, яъни 145 миллион еврога баҳоланмоқда. Бироқ экспертлар бу сумма харидорларни “чўчитиб” юбориши мумкинлигини таъкидлаяпти.
Манбага кўра, “Реал” тез орада “қария” ўйинчиси Лука Модричнинг ўрнини босадиган ўйинчи топиши талаб этилади. “Бавария” эса, олдинги чизиққа креатив ғояларни олиб кирадиган футболчи қидиряпти. Ҳар икки гранд талабларига Фоден жавоб беради.
Ўз навбатида, “Манчестер Сити” ёзда “Байер”дан Флориан Вирцни олишни режа қилган. Агар бу трансфер амалга ошса, бу Фоденнинг кетишига сабаб бўлиши мумкин.