Ҳусановга қизиқиш билдирган ПСЖ украиналик ҳимоячи вариантини хам кўриб чиқмоқда

Франциянинг ПСЖ клуби "Борнмут" ва Украина миллий терма жамоасининг марказий ҳимоячиси Илья Забарнийга қизиқиш билдирмоқда. Бу ҳақда "L'Equipe" нашри хабар берди.

Манба маълумотларига кўра, Забарнийнинг клубга ўтиши парижликлар таркибида россиялик дарвозабон Матвей Сафонов ўйнаётгани сабабли мураккаблашиши мумкин. Таъкидланишича, футболчиларнинг потенциал ҳамкорликдаги ўйини бўйича шахсий фикрлари номаълум.

22 ёшли Забарний 2023 йилда "Борнмут" сафига қўшилган. Жорий мавсумда у Англия клуби учун барча мусобақаларда 16 та ўйин ўтказган, бироқ натижавий ҳаракатлар қайд этмаган. Ҳимоячининг клуб билан амалдаги шартномаси 2029 йил июнь ойи охиригача амал қилади. Машҳур Transfermarkt интернет-портали маълумотларига кўра, Забарнийнинг тахминий қиймати 38 миллион еврони ташкил этади.

Маълумот учун, Париж клуби легионеримиз Абдуқодир Ҳусановга қизиқиш билдираётган эди.