Италиянинг "Милан" клуби "Челси" билан Кристофер Нкункунинг трансферини бонуслар билан қўшиб ҳисоблаганда 35 млн еврога келишиб олди. Бу ҳақда таниқли журналист ва инсайдер Фабрицио Романо Х ижтимоий тармоғида маълум қилди. Манбага кўра, футболчи "россонерилар" билан 5 йиллик шартнома имзолайди.
Эслатиб ўтамиз, Нкунку 2023 йилнинг ёзидан бери "Челси" шарафини ҳимоя қилмоқда. Бу вақт ичида у барча мусобақаларда 62 та ўйинда майдонга тушиб, 18 та гол урди ва бешта голли узатмани амалга оширди. Футболчининг клуб билан амалдаги шартномаси 2029 йилнинг ёзигача мўлжалланган.
Transfermarkt порталида келтирилган маълумотларга кўра, футболчининг бозор нархи 35 млн еврони ташкил этади.
Изоҳлар (0)
Ҳозирча изоҳлар йўқ