Ҳечдан кўра кеч! "Ливерпуль" Эврадан узр сўради
- 4-май 2020, 23:22
- 0
- Футбол
2011 йил "Ливерпуль" ва "Манчестер Юнайтед" жамоалари ўртасидаги баҳсда мерсисайдликлар вакили Луис Суарес рақиб футболчиси Патрис Эврага нисбатан ирқчилик муносабатида бўлганди. Эвра ўша воқеаларни ёдга олиб:
"Узоқ мунозаралардан сўнг Суарес айбини тан олганди. У бир нечта учрашувлардан четлатилган ва катта миқдорда жарима ҳам тўлаганди. Ёдимда, "Ливерпуль" кейинги баҳсларда Суаресни қўллаб-қувватлаб махсус футболкаларда майдонга тушган. Ўша пайтларда бу клубни жинимдан баттар ёмон кўрар эдим.
Аммо яқинда Жими Караггер мен билан учрашганда 8 йил аввалги воқеа учун бирдан узр сўраб қолди. Бу қўпол хато эди, деганди у. Кейинроқ, "Ливерпуль" клуби вакиллари мен билан боғланиб содир бўлган воқеа учун кечирим сўрашди. Энди менинг мерсисайдликлар клубига бўлган ҳурматим қайта тикланди", деди Эвра.