"Ҳеч қачон жамоани тарк этиш тўғрисида ҳатто ўйлаб ҳам кўрмаганман" - "Пахтакор"га ўтган Адҳамзоданинг "Нефтчи" мухлисларига мурожаати

"Нефтчи" клуби ҳимоячи Умар Адҳамзодани "Пахтакор"га трансфер қилди. Футболчи ушбу воқеликдан сўнг фарғоналик мухлисларга ўз мурожаатини йўллади. Бу ҳақда клуб матбуот хизмати хабар берди.

- Ассалому Алайкум ҳурматли "Нефтчи" жамоамиз мухлислари! Барча мухлисларга катта рахмат айтмоқчиман! Жамоадаги тўрт йиллик фаолиятим давомида клубда жуда катта ўсишга эришдим! Бунинг учун клуб рахбариятига, мураббийлар штабига, клуб ходимларига рахмат айтаман, бундан ташқари бизни доимий яхши кунда ҳам ёмон кунда ҳам бирдак қўллаб- қувватлаган мухлисларимизга ташаккур изҳор қиламан, "Нефтчи" менинг уйимга айланди!

“Нефтчи”ни тарк этиш ҳаётимдаги энг муҳим ва оғир қарор бўлди. Ҳозир мен учун доим тушунарли бўлган бир нарсани очиқ тан оламан, мен “Нефтчи”да ўтган ҳар лаҳзамдан завқ олардим. Ҳеч қачон жамоани тарк этиш тўғрисида ҳатто ўйлаб ҳам кўрмаганман.

Жамоани тарк этишимдан аввал яна бир бор ўтган ҳар лаҳзада бизни қўллаб-қувватлаганингиз учун ўз миннатдорчилигимни изҳор қиламан.

Худо ҳоҳласа, албатта, яна қачондир жамоада яна ўйнайман! "Нефтчи" жамоасига омад ва зафарлар тилайман, кўришгунча деб қоламан!, - дея фикрларини баён қилди футболчи.