Ҳасанбой Дўсматов янгиланган WBО рейтингига киритилди. Олимжон Назаров ва Шоҳжаҳон Эргашев эса юқорилади...

Профессионал бокснинг таянч ташкилотларидан бири ҳисобланган Жаҳон бокс ташкилоти (WBО) июль ойи учун янгиланган рейтингини эълон қилди.

Супер енгил вазн тоифасида (63,5 кг) Шоҳжаҳон Эргашев ўтган ойдаги 9-ўриндан бир поғона юқорилаб, 8-ўринда қайд этилди.

Ўта енгил вазнда (50,8 кг) Олимжон Назаров ҳам 4-ўриндан 3-ўринга кўтарилди.

Шунингдек, яна бир ҳамюртимиз Ҳасанбой Дўсматов биринчи ўта енгил вазн (48,9 кг) рейтингига киритилиб, 7-ўринга жойлаштирилди.

Ушбу йўналиш топ 15'лигида бошқа ўзбек боксчилари қайд этилмаган.