Гвардиола Кевин де Брюйне ўрнига зўр футболчи топиб қўйди
- 17-феврал 2025, 13:23
- Zohir Toshxo’jayev
- 0
- Футбол
“Манчестер Сити” бош мураббийи Хосеп Гвардиола таркибни янгилашда давом этади. Испаниялик мутахассис ёши ўтиб қолаётган асосий юлдузлар ўрнига ёш истеъдод эгаларини олиб келишни мақсад қилган.
TBR Football нашрининг маълум қилишича, “Манчестер Сити” 33 ёшли Кевин де Брюйне билан хайрлашишга тайёр. Бельгиялик футболчининг шартномаси 30 июнь куни якунланади.
Кевин де Брюйне келажаги борасида фикрини ўзгартириб, жамоада қолишга қарор қилган ва клубдан таклиф кутяпти.
Бу томонда мутасаддилар унга ўринбосар топиб қўйди. Манбага кўра, Хосеп Гвардиола бошқа бельгиялик ўйинчи Шарль де Кетеларени нишонга олди.
“Аталанта”да ўйнаётган футболчи “Манчестер Сити” даражасидаги клубда ўйнаб кета олиши учун етарлича маҳоратга эга экани айтиляпти.
Transfermarkt портали 23 ёшли футболчини 38 миллион еврога баҳоламоқда. Манчестерликлар мавсум якунланиши билан бу ярим ҳимоячини олиш бўйича иш бошлайди.