Гвардиола: "Фоден яхши винога ўхшайди"

"Манчестер Сити" бош мураббийи Хосеп Гвардиола ярим ҳимоячи Фил Фоденнинг жорий мавсумдаги ўйинлари ҳақида гапирди.

"Фоден улғайди. У машғулотларда аввалгидан кўпроқ ва яхшироқ ишлаяпти. Фил олдинга қараб қадам ташлаяпти ва ўтмишдаги Фодендан ҳам кучлироқ футболчига айланиш учун харакат қилмоқда. У ўтган мавсумни ҳисобга олмасак, ҳар йили идеал ўйин намойиш этaётганди. Фоден албатта яхшиланади. У яхши винога ўхшайди, вақт ўтиши билан янада яхшиланади", - деди испаниялик мураббий.

Маълумот учун, англиялик футболчи жорий мавсум умумий 9 та учрашувда майдонга тушиб, 2 та гол урди ва 2 та голли узатмани амалга оширди.