Гвардиола бир неча футболчи кетиши кераклигини уқтирди

“Манчестер Сити”ни кетма-кет тўртинчи маротаба Англия чемпионига айлантирган бош мураббий Хосеп Гвардиола ёзда таркибда ўзгаришлар бўлишини эълон қилди.

Айрим футболчиларимиз “Манчестер Сити”да қоладими ёки кетадими, аввало, шуни аниқлаб олишлари лозим. Кимлардир аниқ кетади ва уларнинг ўрнига янги ижрочилар келади.  Спорт директори таркиб масаласида муаммо бўлмаслигини айтди, - деди Хосеп Гвардиола.

Ёзги трансферлар вақтида жамоани тарк этиши мумкин бўлган футболчилар орасида Жек Грилиш, Бернарду Силва, Калвин Филлипс, Матеуш Нунеш ва дарвозабонлар – Штефан Ортега ҳамда Эберсон номи тилга олинмоқда.

Аксарият манбалар жамоа плеймейкери Кевин де Брюйне Саудия Арабистони клубларидан бирига ўтиши мумкинлигини ёзаётган эди. Бироқ бельгиялик ярим ҳимоячи бир йил қолган шартномасини охирига етказиб қўйишини таъкидлади.