Гвардиола Алонсонинг "Байер"и ҳақида: "Қойил, "Байер" - жорий мавсум барча турнирларда ютқазмаган ягона жамоа. Лекин..."

"Манчестер Сити" бош мураббийи Хосеп Гвардиола "Байер" бош мураббийи Хаби Алонсо ва унинг жамоаси қайд этаётган кўрсаткичлар ҳақида гапирди. 

"Қойил, "Байер" - жорий мавсум барча турнирларда ютқазмаган ягона жамоа ва улар "Бавария"нинг гегемонлигини якунлашга ҳаракат қилишяпти. 

Ҳозир улар 8 очколик фарқ билан 1-ўринни эгаллаб туришибди. Бироқ ҳаммаси якунланган, деб ўйлаган вақтингиз совринни бой бериб қўйишингиз мумкин. Бу энг алам қиладиган нарса - тугамагунга қадар сиз хулоса чиқармаслигингиз лозим. 

Улар ҳозир нафақат Бундеслига, балки Европа лигаси ва Германия кубогида ютқазмади. Мен Алонсодек ажойиб иқтидор соҳибига бош мураббий бўлганимдан фахрланаман. У ақл бовар қилмайдиган даражада ақлли футболчи эди", - деди испаниялик мутахассис.

Маълумот ўрнида, Гвардиола 2014 йилдан 2016 йилгача "Бавария"да Хаби Алонсога бош мураббийлик қилган.