Гризманн: “Родриго жуда ақлли ва сокин ўйинчи”

“Атлетико Мадрид”нинг етакчи футболчиларидан бири ҳисобланган Антуан Гризманн Мбаппе, Винисиус ва Родриго ҳақида ўз фикрлари билан ўртоқлашиб, Родригони кўпроқ эътироф этди.

"Мбаппе менинг жамоадошим бўлган, у билан бирга ўйнаш жуда ёқимли эди. Биз бирга, Жаҳон чемпионлигини қўлга киритдик. Винисиус доим сени алдаб ўтиб кетади. Унинг ҳаракатлари доимо хавфли бўлади – айнан шунинг учун у дунёнинг энг яхши футболчиларидан биридир. Бироқ, менинг заифлигим – Родриго. У жуда ақлли, сокин ўйинчи. У қаерда бўлишидан қатъи назар – чап қанотда, ўнгда ёки марказда – ҳар доим бор кучи билан ўйнайди. Бу эса жамоага бошқача куч беради" – дея таъриф бериб ўтди франциялик ҳужумчи.



Эслатиб ўтамиз, бир неча кун олдин Чемпионлар лигасининг плей-офф босқичи доирасида Мадриднинг икки гранд клуби тўқнаш келиб, “Реал” 2:1 ҳисобида муваффақиятга эришди. Мазкур беллашувнинг 4-дақиқасида Родриго ўзининг чиройли зарбаси билан Облакни доғда қолдирган ҳолда, ҳисобни очган эди.