Грилишнинг келиши икки юлдузни сўндиради
- 1-август 2021, 17:40
- Zohir Toshxo’jayev
- 0
- Футбол
“Манчестер Сити” раҳбарияти тез кунларда Жек Грилиш трансферини якунлайди. “Астон Вилла” хўжайинлари “шаҳарликларнинг 100 миллион фунтлик таклифидан юз ўгира олмади ва етакчисини қўйиб юборишга рози бўлди.
Жек Грилишнинг келиши “Манчестер Сити”нинг икки футболчисини кетишга мажбур қилиши айтилмоқда. Бу футболчи майдон марказида бир неча позицияда самарали ўйнай олади.
Грилиш келиши сабабли Бернарду Силванинг клубдаги келажаги мавҳум бўлиб қолмоқда. Бундан ташқари, Жек ўз ўйини билан Раҳим Стерлингни ҳам майдондаги жойини олиб қўйиши кутилмоқда.
Шу муносабат билан Хосеп Гвардиола ёзги трансферлар вақтида Бернарду Силва ва Раҳим Стерлингдан воз кечишига тўғри келиши мумкин. Айниқса, Стерлинг клубда энг катта маош оладиган икки футболчидан бири ҳисобланади ва уни захирада олиб ўтириш клубга қимматга тушади.