Гранит Жака Венгрия - Швейцария учрашувининг энг яхши футболчиси бўлди

"A" гуруҳидан ўрин олган Венгрия - Швейцария учрашувида номинал меҳмонлар ғалаба қозонишди. 

Дастлаб, Дуа ҳисобни очган бўлса, Эбишер орадаги фарқни иккитага ошириб қўйди. Иккинчи таймда эса Варга жавоб қайтарди. Сўнгги дақиқаларда Эмболо ўйинга нуқтани қўйди. 

Гранит Жака учрашувнинг энг яхши футболчиси деб топилди. 31 ёшли футболчи майдонда тўлиқ 90 дақиқа ўтказди. 99 марта тегинди, жами 88 бора пас берди ва улардан 79 таси манзилга аниқ етиб борди. Тўрт марта хавфли вазият яратган Гранит 3 бора зарба йўллади. 7 бора яккакурашга кириб, улардан 6 тасида ютиб чиқди. Ҳавода эса 2 марта жанг қилиб, ҳар иккисида ўз фойдасига ишлади.

Шу тариқа, швейцарияликлар гуруҳда иккинчи ўринга чиқиб олди, венгрияликлар эса 3-поғонадан жой олди.