"Ғалабалар бардавом бўлаверсин" - Қашқадарё вилояти ҳокими "Насаф"ни қўллаб-қувватлаяпти!

“Насаф” клубининг Тошкентда “Пахтакор” устидан эришган ғалабаси учун қашқадарёликлар томонидан шоду-хуррамлик давом этмоқда. Қашқадарё вилояти ҳокими Муротжон Азимов ҳам “Насаф”ни қўлга киритган ўта муҳим ғалабаси билан табриклади.

“Бугунги ўйинда ғалаба қозонган воҳамиз бош жамоасини ўзим ва кенг жамоатчилик ҳамда кўп сонли мухлислар номидан табриклайман.

Президентимиз жорий йил вилоятимизга ташрифлари давомида Қарши шаҳрида спорт таълими бўйича тақдимот билан танишар экан, Қашқадарё иқтисодиётда, қишлоқ хўжалиги ва бошқа соҳаларда бўлгани каби спорт соҳасида ҳам олдинда бўлиши, бунинг учун барча шароитлар яратилганини таъкидлаган эдилар.

Воҳа аҳли ва миллионлаб мухлисларни хушнуд қилган жамоамизга доим омад ёр бўлсин.

Шу ўринда, майдонда туриб жамоамизни қўллаб-қувватлаган Тошкентда таҳсил олаётган воҳалик талабаларимизга ҳам ўз ташаккуримни билдираман.

Ғалабали натижалар ва ютуқлар бардавом бўлаверсин”.

Муротжон Азимов, вилоят ҳокими.

“Насаф” матбуот хизмати.