Ғалаба муборак! Ўзбекистон ОТЖ ярим финалда
- 19-январ 2020, 20:12
- Bekzod Isayev
- 4
- Футбол
Бугун Таиландда давом этаётган 23 ёшгача футболчилар ўртасидаги Осиё чемпионати чорак финалдан ўрин олган БАА - Ўзбекистон учрашуви ўтказилади.
Мазкур баҳс Тошкент вақти билан 18:15да старт олади. Беллашувни сиз сайтимиз орқали ЖОНЛИ ЭФИРда томоша қилишингиз мумкин.
БАА - Ўзбекистон учрашувини ЖОНЛИ ЭФИРДА томоша қилинг
Қолаверса, учрашув шу ерда матнли трансляция қилинади.
Жамоаларнинг таркиблари билан танишинг:
* Футболчилар майдонга чиқиб келишди. Навбати билан давлатлар мадҳияси янгради.
* Бугун терма жамоамиз кўк рангли либосда ҳаракат қилади. БАА эса оқ формада тўп тепади.
1* Ўйин бошланди. ОЛҒА ЎЗБЕКИСТОН!!!
2* Ҳалфан Ҳассан бирга-бир вазиятдан дарвозани ишғол қила олмади. Абдувоҳид Неъматов қутқариб қолди. Яшшшшшааавор Абдувоҳид.
3* Жаримадан Жасурбек Яхшибоев шериги Бобир Абдихолиқовни тўпни оширди. Ҳужумчимиз боши билан дарвозага йўллаган зарбасини рақиб посбони қайтарди.
6* Ҳожиакбар Алижонов бурчакдан уюштирилган комбинацияни зарба билан якунлади. Дарвозабон ўз ўрнида.
9* Жасурбек Яхшибоев ўнг қанотдан 2 футболчини алдаб жарима майдонига яқинлашиб зарба берди. Бироқ ноаниқ.
12* Рақибнинг бир футболчиси майдонда йиқилиб ётгани учун унга шифокорлар ёрдам кўрсатишди.
13* Гоооол. Ўнг қанотдан узатилган тўпни жарима майдони ичидан Зайид Ал Амери дарвозамизга киритди.
16* Гооооооооооооооооооооооооооооооооооооооооооооооооооол. Тезкор жавоб. Илҳомжон Алижонов чап оёғи билан жарима майдонига яқин жойдан кучли зарба йўллаб ҳисобни тенглаштирди.
21* Ҳакам ВАРга мурожаат қилди. Ойбек Бозоров жарима майдонида йиқитилгани учун.
24* Ҳакам узоқ ўйланишлардан сўнг пенальти белгилади.
26* ГООООООООООООООООООООООООООООООООООООООООООООООООООООоллллл. Исломжон Қобилов пенальтидан гол урди.
29* Терма жамоамиз яна бир хавфли вазият яратди. Аммо бу сафар тўп тўсинга тегиб қайтди.
33* Кетма-кет голлардан кейин ҳамюртларимизда ўзларига бўлган ишонч ортди. Тўпни назорат қилишмоқда.
37* Рақиблар кетма-кет бурчакдан зарбалар беришди. Футболчиларимиз хавфни бартараф этишди.
41* Гооооооооооооооооооооооооооооооооооооллл. Ойбек Бозоров жарима майдонига яқинлашиб зарба берди. Олдинга бироз чиқиб кетган рақиб посбони Бозоров тўпган тўпни қайтара олмади.
44* Ҳожиакбар Алижонов ўткир бурчакдан зарба берди. Ноаниқ.
45* Зайид Ал Амери узоқ масофадан йўллаган зарбасини Абдувоҳид Неъматов қайтарди.
45* Биринчи таймга 3 дақиқа қўшиб берилди.
45+3* Дастлабки бўлим якунланди. Ҳисоб бизнинг фойдамизга 3:1. Танаффус!!!
46* Иккинчи тайм бошланди.
50* Мажид Рашид футболчимизга қўполлик ишлатгани учун огоҳлантирилди.
52* Азизжон Ғаниев стандартдан тепган тўпни рақиб дарвозабони ушлаб олди.
56* Айни пайтда терма жамоамиз ишонч билан ҳаракат қилмоқда, яна ҳужумга ўтяпти. Бу эса рақибга ноқулайликлар туғдирмоқда.
65* Ойбек Бозоров ўрнига Нурилло Тўхтасинов майдонга тушди.
67* Араблар футболчимизга бироз қўполлик ишлатгани учун ўйинда тўхталиш кузатилмоқда.
70* Ўйин темпи анча тушди. Рақиблар ҳужумга ўтиш учун йўл топа олмаяпти. Футболчиларимиз уларга бўш худудлар қолдиришмаяпти.
72* Ҳусниддин Алиқулов майдон марказида қаршисидаги футболчини йиқитгани учун огоҳлантарилди.
76* Азизжон Ғаниев қарши ҳужумни якунламоқчи бўлиб зарба берди. Бироқ у тепган тўп анча юқоридан ўтиб кетди.
77* Санжар Қодирқулов ўрнига Достон Ибрагимов майдонга тушди.
80* БАА ўйинчилари босимни оширишди. Бир нечата уринишларни амалга оширишди. Бироқ уларнинг ҳаракатларидан наф чиқмади.
81* Азизжон Ғаниев жарима майдони ичидан қанотдан Ҳожиакбар Алижоновга пас берди. Алижонов 12 метрлардан тепган тўп дарвоза устунига тегиб қайтди.
85* ГООООООООООООООООООООООООооооооооооолллллл. Жуда чиройли тарзда ташкил этилган ҳужумни Жасурбек Яхшибоев гол билан якунлади.
88* Ҳожиакбар Алижонов ўрнига Дилшод Саитов майдонга тушди.
90* Ўйинга 5 дақиқа қўшиб берилди.
90+3* ГОооооооооооооооооооооооооооооооооооооооооооооолллллл. Ўнг қанотдан узатилган тўпни Нурилло Тўхтасинов қийинчиликсиз дарвозага киритди.
90+5* Бўлди, тугади, Олимпия терма жамоамиз 5:1 ҳисобида ғалаба қозонди. Биз ярим финалдамиз.
БАА - Ўзбекистон 1:5
Голлар: Зайид Ал Амери 13 - Илҳомжон Алижонов 16, Исломжон Қобилов пенальти 26, Ойбек Бозоров 41, Жасурбек Яхшибоев 85, Нурилло Тўхтасинов 90+3