Футзал. Ўзбекистон аёллар терма жамоаси ҳалқаро турнирда ғолиб чиқди

Футзал бўйича Ўзбекистон аёллар миллий терма жамоаси Хитойнинг Ланжоу шаҳрида ўтказилган ҳалқаро турнирда ғолиб чиқди. 

Вакилаларимиз бугун бир неча соат олдин якунига етган ҳал қилувчи турда Вьетнам футзалчиларига қарши паркетга чиқиб, 5:5 ҳисобида жанговор дуранг қайд этди. Бунинг натижасида эса, аёлларимиз муддатидан илгари турнир ғолибига айланди. Бир неча дақиқалардан кейин старт оладиган Эрон - Хитой баҳси эндиликда шунчаки расмиятчилик учун ўтказилиб қўйилади. 

Биз мазкур мусобақадаги ғолиблик билан футзал аёллар терма жамоасини чин дилдан муборакбод этамиз.