Футзал. Биринчи лига чемпиони, Олий лиганинг янги иштирокчиси бўлган БМБ клуби тақдимот маросимини ўтказди

Кеча "Hilton" меҳмонхонасида БМБ жамоасининг тақдимот маросими бўлиб ўтди. Унда жамоага таклиф этилган футзалчилар билан бирга бразилиялик мураббий Витор Вианна ҳам оммага таништирилди.

Тадбирни "ВМВ Тrade Group" компанияси Кузатув кенгаши раиси ва ВМВ футзал клуби президенти Бекзод Маматқулов очиб берди. Шу билан бирга маросимда ЎзПФЛ бош директори Диёр Имомхўжаев, “Ўзбекистон миллий медиа ассоциацияси” Бошқаруви раиси Шерзодхон Қудратхўжа каби таниқли шахслар иштирок этди.

Шунингдек, маросимда таркибга жалб этилган футболчилар қайси рақам остида тўп тепишлари маълум қилинди. Унга кўра, Акбар Усмонов - 7, Равшан Элибоев - 1, Хусниддин Нишонов - 8, Даврон Чориев - 10, Аббос Элмуродов - 12, Машраб Адилов - 3-рақамли либосларда тўп тепиши маълум қилинди. Улардан ташқари жамоадаги бир қатор легионерлар ҳам ўз рақамларини билиб олишди. Қуйида ушбу жараёндан фотоларни томоша қилишингиз мумкин.