Флик уч юлдуз билан хайрлашишга тайёр
- 20-июн 2025, 09:41
- Zohir Toshxo’jayev
- 0
- Футбол
Испания чемпионатида ғолиб чиққан “Барселона” бош мураббийи Ханс-Дитер Флик янги мавсум олдидан жамоа таркибида ўзгаришлар қилишга бел боғлаган.
Германиялик мутахассис келаси мавсум ўзи фойдаланмайдиган уч нафар футболчи номини эълон қилди. “Барселона”га керак бўлмай қолган Ансу Фати, Жерар Мартин ва Андреас Кристенсенга ҳозирдан бир неча даъвогарлар пайдо бўлди.
Бир пайтлар “Мессининг вориси” сифатида қадрланган Ансу Фатини “Монако” ўз таркибига чорлаяпти. Французлар ҳужумкор футболчини кейинчалик 12 миллион еврога сотиб олиш ҳуқуқи билан ижарага олмоқчи.
Чап қанот ҳимоячиси Жерар Мартинга Англия вакили “Борнмут” даъвогарлик қиляпти. Англияликлар бу ўйинчи учун 12 миллион евро таклиф қилди ва каталонияликларга бу сумма маъқул келгани айтилмоқда.
Андреас Кристенсенни Саудия Арабистонида кутишяпти. “Ан-Наср” даниялик юлдузни олиб кетиш учун Испания чемпионига 20 миллион евро таклиф қилди.