Флик энг кучли лига номини айтди
- 30-январ, 07:15
- Zohir Toshxo’jayev
- 0
- Футбол
“Барселона”ни ўтган мавсум Испания чемпионати ғолибига айлантирган германиялик мутахассис Ханс-Дитер Флик Англия Премьер-лигасини дунёдаги энг кучли лига, деб ҳисоблашини тан олди.
Чоршанба куни “Барселона” Европа Чемпионлар лигасининг умумий босқичи охирги турида Даниянинг “Копенгаген” жамоасини йирик ҳисобда (4:1) мағлуб этиб, мусобақа жадвалида бешинчи ўринни эгаллади.
Флик шогирдари шу тариқа Чемпионлар лигасининг 1/8 финалига тўғридан чиқди.
Каталонияликлар мусобақа жадвалида Англиянинг уч вакили – “Арсенал”, “Ливерпуль”, “Тоттенхэм”, шунингдек, Германия чемпиони “Бавария”дан ортда қолди холос.
- Англия Премьер-лигаси дунёдаги энг кучли лига, чунки инглиз клублари футболга энг катта сармояни киритади. Улар кўплаб футболчиларни сотиб олиш имконига эга ва ҳар йили трансфер бозорида фаоллик кўрсатади, - деди Флик The Touchline нашри журналистларига.
Германиялик мутахассис Каталония клубида 2024 йилнинг ёзидан бери бош мураббийлик қилмоқда.