Флик “Барса” юлдузига сигарет чекишга рухсат берди
- 10-декабр 2025, 13:56
- Zohir Toshxo’jayev
- 0
- Футбол
“Барселона”нинг машҳур дарвозабони Войцех Шченсни жамоа бош мураббийи Ханс-Дитер Флик унга сигарет чекиш учун рухсат бергани ҳақида гапирди.
- Яқинда мураббий билан саунада ўтирганимизда, ундан менинг чекишимга муносабати ҳақида сўрадим. У: “Энг муҳими, сени майдонда кўрсатаётган ўйининг. Агар суперпрофессионал бўлсанг, ҳатто мукофотлаш маросимида ҳам чексанг бўлади”, деб айтди, - дея таъкидлайди дарвозабон.
Эслатиб ўтиш жоизки, польшалик голкипер Англия Премьер-лигасида “Арсенал” шарафини ҳимоя қилган даврда, яъни 2015 йилда ювиниш хонасида сигарет чеккани учун жиддий муаммога дуч келган эди. Ўшанда машҳур мураббий Арсен Венгер кашанда дарвозабонни асосий таркибдан чиқариб, кейинчалик “Рома”га ижарага жўнатиб юборган.
Войцех Шчесни Рим клубида икки йил ўйнаганидан кейин 2018 йили “Ювентус”га ўтди. 2024 йилнинг ёзида Турин клуби билан шартномаси якунлангач, фаолиятини якунлаганини эълон қилди.
2015 йилда «Арсенал»да ўйнаган пайтида у душда сигарет чеккани учун муаммога учраган эди. Шундан кейин Арсен Венгер уни асосий таркибдан чиқариб, кейинчалик «Рома»га ижарага юборган.
Аммо дарвозабонлар масаласида муаммога дуч келган “Барселона” 2024 йилнинг октябрь ойида Шчеснини фаолиятини таклашга кўндирди ва сафига қўшиб олди.