Ўзбекистон миллий терма жамоаси ҳужумкор футболчиси Аббосбек Файзуллаев легионер сифатида илк маротаба нуфузли соврин соҳиби бўлиши мумкин.
2023 йили “Пахтакор”дан Москванинг ЦСКА клубига кўчиб ўтган иқтидорли ўйинчи дебют мавсумида жамоаси билан юқори натижалар кўрсата олмаган эди. Жамоа сербиялик мутахассис Марко Николичга топширилган анча жиддий натижалар қайд этилмоқда.
Хусусан, ЦСКА Россия Премьер-лигасининг 2025 йилги ўйинларида бирор маротаба мағлуб бўлгани ва чемпионатни учинчи ўринда якунлади. Аббосбек Файзуллаевни бу борада бронза медаль билан табрикласак бўлади.
Лекин бу чегара эмас. “Армиячилар” 1 июнь куни Россия кубоги Суперфиналида “Ростов” билан куч синашади. Жамоа ғалаба қозонган тақдирда Аббосбек Файзуллаев ҳам Россия кубоги ғолибига айланади.
Россия кубоги мусобақасининг расмий телеграм-канали финал учрашувидан олдин 2024-2025 йилги мавсумда турнирда иштирок этган энг зўр ўйинчилардан иборат рамзий терма жамоа тузди. Ушбу янги жамоа мухлислар ўртасидаги сўровномада энг кўп овоз тўплаган чарм тўп усталаридан таркиб топди.
Рамзий терма жамоа қуйидагича кўриниш олди.
Дарвозабон:
Рустам Ятимов (“Ростов”).
Ҳимоячилар:
Станислав Поройков (“Тюмень”), Максим Осипенко (“Ростов”), Виллиан Роша в Мойзес (ЦСКА).
Ярим ҳимоячилар:
Матвей Кисляк ва Аббосбек Файзуллаев (ЦСКА), Маркиньос (“Спартак” Москва), Александр Саплинов (“Спартак” Кострома).
Ҳужумчилар:
Егор Голенков (“Ростов”), Секу Койта (ЦСКА).
Таъкидлаш лозимки, ЦСКА футболчилари Россия кубогининг гуруҳ босқичида “Ахмат”, “Краснодар” ва “Нижний Новгород” жамоалари билан куч синашиб, олтита учрашувдан тўрттасида ғалаба қозонди, биттадан дуранг ва мағлубият қайд этди.
Биринчи ўрин билан плей-оффга чиққан “армиячилар” Суперфиналгача ўта кучли рақиблар – “Динамо Москва” ва “Зенит”ни мусобақадан чиқариб юборди.
Аббосбе Файзуллаев кубок ўйинларини юқори савияда ўтказди. Жами 11 та учрашувда иштирок этган легионеримиз ўз ҳисобига битта гол ва тўртта ассист ёздириб қўйди.
Энди бўлажак Суперфинал учрашувида Аббосбек Файзуллаев ва ЦСКА футболчиларига муваффақият ва ғалаба тилаб қоламиз.
Файзуллаев Ҳусанов ортидан қайси футболчи “Манчестер Сити”га бора олишини айтди!
Ҳусанов энг бадавлат клублардан бирида ўйнайди...
“Манчестер Сити” Ҳусанов учун “Ланс”га қўшимча 5 миллион евро тўламайдиган бўлди!
Ҳусанов, яхши бор! “Манчестер Сити” 12 нафар футболчисини кузатди
Бунақаси бўлмаган: Ҳусанов, Шомуродов ва Файзуллаев ҳақида!
Шомуродов жамоасини машҳур мураббий бошқаришга рози бўлди