Файзуллаев ЦСКАга қайтиб келишга сўз берди

ЦСКА ҳимоячиси Данил Круговой Аббосбек Файзуллаевнинг "Истанбул Башакшеҳир"га ўтиши ҳақида гапирди.

 Ўзбекистон миллий жамоасининг 21 ёшли футболчиси Туркия клубида тиббий кўрикдан ўтгани хабар қилинганди.

"Албатта, ҳаммамиз Аббосни соғинамиз. Лекин у қайтиб келишга ваъда берди (кулимсираб). Туркия чемпионати Файзуллаев учун жаҳон чемпионати олдидан трамплин деб ўйлайман. Унга муваффақият тилайман.

Аббос яхши футболчи ва инсон. Жин урсин, у билан ўйнаш жуда завқли эди... Айниқса, 3-4-3 схемасида у вингер, мен эса чап қанотда ўйнадик", - деди ЦСКА ҳимоячиси.