Файзуллаев Португалияга қарши ўйин ҳақида фикр билдирди

АҚШ, Канада ва Мексика мезбонлигида бўлиб ўтадиган Жаҳон чемпионатига қуръа ташланди. “К” гуруҳида жой олган Ўзбекистон терма жамоасининг етакчиларидан бири Аббосбек Файзуллаев қуръадан сўнг фикрлари билан ўртоқлашди.

“Ўйлайманки, қизиқарли гуруҳга тушдик. Ҳар бир ўйин, айниқса Португалияга қарши кечадиган баҳс, қийин бўлади. Лекин биз барча учрашувда ғалаба учун майдонга чиқамиз ва гуруҳдан чиқиш учун ҳаракат қиламиз”, — дея футболчининг сўзларини келтиради OlympicUz.

Маълумот учун, Ўзбекистон терма жамоаси гуруҳ босқичида Португалия, Колумбия ва 1-қитъалараро саралаш босқичи ғолиби (Янги Каледония, Ямайка ёки Конго ДР) билан баҳс олиб боради.