Фабрегас “Барса” дарвозабонини олиб кетмоқчи
- 8-август 2025, 11:19
- Zohir Toshxo’jayev
- 0
- Футбол
“Барселона”да янги мавсум олдидан дарвозабонлар муаммоси юзага келди. Ўтган мавсум давомида асосий дарвозабон ролига даъвогарлик қилган Иньяки Пенья бош мураббий Ханс-дитер Флик билан келиша олмай қолганди.
Кейин сафга қайтган ва яна жароҳат туфайли даволанишга йўл олган Марк-Андре тер Штегеннинг ҳам клуб билан муносабати бузилди.
Ханс-Дитер Флик тез кунларда бошланадиган мавсумда янги олинган голкипер Жоан Гарсия ва Войцех Шчеснига таянмоқчи. Бироқ клуб хали Жоан Гарсияни қайдномадан ўтказиш имконини топгани йўқ.
Бу жараёнда Иньяки Пенья ҳам клубни тарк этадиган бўлди. Пенья бу қарорга анча олдин келган. Уни мураббийлик фаолиятини “Комо”да ўтказаётган Сеск Фабрегас ўз жамоасига чорлаяпти.
Football Italia нашрининг маълум қилишича, футболчилик даврида “Барселона”да ўйнаган Фабрегас 26 ёшли дарвозабонни ҳамкорликка кўндиришга ҳаракат қиляпти.