Европада баҳайбат дарвозабонга мукофот сифатида тўрт қути тухум берилди
- 1-апрел 2025, 05:51
- Zohir Toshxo’jayev
- 0
- Футбол
Норвегия чемпионатининг давбатдаги турида “Брюне” жамоаси мамлакатнинг эег кучли клуби ҳисобланган “Буде-Глимт” билан куч синашди.
Учрашувда “Буде-Глимт” футболчилари 1:0 ҳисобида ғалаба қозонди. “Брюне” жамоаси дарвозабони Ян де Бурнинг маҳорати ҳисобнинг йириклашиб кетишига йўл қўймади.
Бўйича 2 метру 2 сантиметр бўлган баҳайбат голкипер учрашувнинг энг яхши ўйинчиси, деб топилди. Унга мукофот сифатида тўрт қути тухум топширилди.
Асли нидерландиялик бўлган 24 ёшли голкипер Норвегияга шу йилнинг февралида келган. “Херенвен”да тарбияланган Ян де Бур профессионал фаолияти давомида ўз юртида “Гронинген” ва “Венло” жамоалари аъзоси бўлган.
2025 йилнинг 5 февраль куни Ян де Бур “Брюне” клуби билан 2026 йилнинг 31 декабрига қадар давом этадиган профессионал шартнома тузган эди.