Европа Лигаси. Нимчорак финалнинг сўнгги икки баҳси превьюси

«Вулверхэмптон» - «Олимпиакос»

«Вулверхэмптон»: «Бўрилар» УЕФА рейтингида 85-ўринда, Европа Лигаси жамоалари орасида эса 14-ўринда қайд этилган. Жорий мавсум АПЛда 7-ўринни олган Санту шогирдлари Европа Лигаси йўлланмасидан маҳрум бўлди. Улар Европа Лигасида борини бериб ўйнашга мажбур. «К» гуруҳида иккинчи бўлган англияликлар 1/16 босқичда «Эспаньол»ни умумий 6-3 ҳисобида таслим этди. Клуб олис 1972 йилда ушбу турнир финалига чиққанди. Бу гал рекорднинг такрорланиши ҳам уларга етарли бўлмайди.

Таркиб: Патрисиу, Боли, Коуди, Саисс, Доэрти, Моутиньо, Невеш, Хонни, Траоре, Хименез, Поденс.

Дисквалификация хавфи остида: Килман, Поденс.

Таркибга қўшилганлар: Кристиан Маркез.

Қайдномадан ўчирилганлар: Кемпбелл, Кандль, Перри, Ричардс, Тейлор.

«Олимпиакос»: Греция чемпионлари УЕФА рейтингида 34- ва турнир иштирокчилари орасида 7-поғонада қайд этилган. ЕЧЛ гуруҳ босқичидан Европа Лигасига йўл олган юнонлар 1/16 босқичда «Арсенал»ни енгиб ўтди. Бу орқали улар ўз тарихидаги энг яхши натижани қайд этиб турибди.

Таркиб: Эллаин, Элабдуллаи, Сиссе, Ба, Цимикас, Гильерме, Камара, Бучалакис, Вальбуэна, Масурас, Эль-Араби.

Иштирок эта олмайди: Семеду, Жозе Са.

Дисквалификация хавфи остида: Ба, Бучалакис, Камара, Гильерме, Эль-Араби.

Таркибга қўшилганлар: Кафу, Аҳмед Хассан.

Қайдномадан ўчирилди: Буллари, Судани.

Нуну Эшпириту Санту («Вулверхэмптон» бош мураббийи): "Ўйлашимча, улар биз каби ўйинга тайёр ҳолда. Биз уларнинг ўйинида сифат ва иқтидорни кўра олдик. Биз барча жиҳатларни ўрганиб чиқиб, қаршимизда жиддий рақиб турганини англаб етдик. Бизда йўқотишлар йўқ. Ҳамма курашга шай ҳолатда. Поденс орқали рақиб ҳақида кўп нарсаларни билиб олдик. Педро Мартинс билан ўтмишда жамоадош бўлганмиз. Дўстлик ўз йўлига, иккимиз ҳам кейинги босқичга чиқишни истаймиз".

Педро Мартинс («Олимпиакос» мураббийи): «Ушбу мавсум «Вулверхэмптон» билан ҳар қандай жамоа ҳисоблашишга мажбур. Улар юқори классни намойиш этиб келишмоқда. Аммо биз «Олимпиакос» вакилларимиз. Биринчи ўйинда биз кимлигимизни кўрсата олдик. Бир-биримизни жуда яхши биламиз. Яхши ўйин бўлишини кутяпман, иккала жамоада ҳам мотивация етарли».

Биринчи баҳсдаги 1-1 ҳисобидаги дуранг майдон эгаларига кичик устунлик тақдим этади. Ҳар иккала жамоа ғолиб бўлган тақдирда ҳам ўз тарихида катта воқеага сабабчи бўлган бўлади. «Бўрилар» миллий фронтда евромайдон йўлланмаларидан мосуво бўлди. «Олимпиакос» эса айнан Санту шогирдларини Европа Лигаси чипталаридан маҳрум қилган «Арсенал»ни мағлуб этиб ушбу босқичга етиб келди. Ушбу босқичнинг энг қизиқарли беллашуви мақоми учун даъвогарлик қилувчи ўйинни ўтказиб юборманг!

«Базель» - «Айнтрахт» Франкфурт

«Базель»: Швецарияликлар УЕФА рейтингида 26- ва Европа Лигаси клублари орасида 6-ўринда турибди. Жорий мавсум ички чемпионатда бронза медалларни қўлга киритган жамоа «С» гуруҳи ғолиби сифатида плей-оффга чиққан. 1/16 финалда АПОЭЛ умумий 4-0 ҳисобида таслим этилди. Клуб 2013 йилда ярим финалгача етиб борган ва ушбу натижа улар учун энг каттаси ҳисобланади.

 

Таркиб: Николич, Видмер, Чомерт, Алдерете, Риверос, Жака, Фрай, Стоккер, Кампо, Адеми, Кабрал

Иштирок эта олмайди: Омлин, Рамирес, Зуффи

Дисквалификация хавфи остида: Алдерете, Комерт, Фрай, Стоккер,

Қайдномадан ўчирилганлар: Бергстром, Буа, Кузманович, Жегрова.

«Айнтрахт» Франкфурт: УЕФА рейтингида 48- ва турнир жамоалари ўртасида 10-поғонадаги клуб жорий мавсумни Бундеслига 9-ўрни билан якунлади. «Ф» гуруҳи ғолиблари биринчи ўйинни 0-3 ҳисобида бой берди.

Франкфуртликлар учун 1980 йилги чемпионлик яна камида 2 йилгача ягоналигини сақлаб қоладиган кўринади.

 

Таркиб: Трапп, Ндика, Абрахам, Хинтереггер, Да Коста, Хесебе, Илсанкер, Костич, Камада, Силва, Дост.

Дисквалификация хавфи остида: Абрахам, Камада.

Қайдномадан ўчирилган: Четин, Фингер, Хинке, Расс.

Марсель Коллер («Базель» бош мураббийи): «Биз яхши ҳимояланишимиз лозим. «Айнтрахт» «Монако» га қарши ўйиндаги хатти-ҳаракатлари билан мени ҳайрон қолдирди. Уларга дастлабки дақиқалардан устунликни бериб қўймасликка ҳаракат қиламиз. Улар таваккал қилишдан қўрқмайди».

Ади Хюттер («Айнтрахт» бош мураббийи): «Мақсадимиз аниқ: биринчи ўйиндаги даҳшатли мағлубиятдан сўнг курашга қайтмоқчимиз. Ўша ўйинда «Базель» ақллироқ ўйнаганди. Аммо ҳали ҳаммаси якунига етиб улгурмади. Биз тарих яратмоқчимиз».

Ном жиҳатидан айтадиган бўлсак, франкфуртликларнинг биринчи учрашувдаги мағлубияти ҳамма учун кутилмаган ҳолат бўлди. Аммо ростдан ҳам ушбу учрашувда ҳаммаси ҳал бўлиб улгурмаган. Барчаси дастлабки 30 дақиқага боғлиқ.

Абдулвосид Валихонов тайёрлади