Эртага қайси боксчиларимиз Олимпиадада рингга чиқади?

Эртага 3 август куни 3 нафар боксчимиз Токио-2020 Олимпия ўйинларида чорак финал баҳсларини ўтказади.

Дастлаб, Тошкент вақти билан соат 07:15 да Шаҳобиддин Зоиров филиппинлик Карло Пааламга қарши рингга кўтарилади. Сўнгра соат 08:03 да Элнур Абдураимовнинг арманистонлик Ованес Бачковга қарши жангги бошланади.

Куннинг иккинчи ярмида, аниқроғи соат 13:00 да курашни давом эттираётган ягона аёл боксчимиз – Райхона Қодирова бразилиялик Беатрис Ясмин Феррейрага қарши рингга чиқади.

Биз юқорида номлари тилга олинган барча боксчиларимизга омад ёр бўлишини тилаб қоламиз.