Эрдоған Туркия терма жамоаси футболчиларини табриклади

Ражаб Тоййиб Эрдоған Туркия терма жамоасини "Евро-2024" чорак финалига чиққани билан табриклади. 

Мураббий Винченцо Монтелла шогирдлари 1/8 финалда Австрияни мағлуб этишди (2:1). Уларни кейинги босқичда Нидерландия кутиб турибди. 

"Европа чемпионатида Австрияни мағлуб этиб, чорак финалга чиққан футбол жамоамизни чин юракдан табриклайман. 

Йигитларимизга чемпионлик йўлида муваффақиятлар тилайман", - деб ёзди Туркия президенти.