"Энергетик-БГУ" сафарда 4:1 йирик ҳисобида ғалаба қозонди. Голларнинг барига легионерларимиз муаллифлик қилди

Беларусь чемпионатининг 6-туридан ўрин олган "Неман" ҳамда "Энергетик-БГУ" жамоалари ўртасидаги ўйин якунланди. Мазкур учрашувда меҳмонлар 4:1 ҳисобида ғалаба қозонди.

"Талабалар" сафидаги голларга легионерларимиз муаллифлик қилди. Бобир Абдихолиқов хет-трик қайд этган бўлса, яна бир голни Абдуқодир Ҳусанов ўз номига ёздириб қўйди. 

Маълумот учун, "Энергетик-БГУ" турнир жадвалида 13 очко билан 2-ўринда бормоқда.