Франция терма жамоасининг тажрибали ҳужумчиси Оливье Жиру халқаро фаолиятини якунлаганини эълон қилди.
- Бошқа саҳифани очиш вақти келди. Мен янги саргузаштларга йўл очдим. Бундан буён мен Франция терма жамоасининг биринчи рақамли мухлисига айланаман.
Мен 13 йил давомида хизмат қилган Франция терма жамоаси доимо қалбимда қолади. Бу жамоа менинг энг катта фахрим ва мен учун ажойиб хотира бўлиб қолаверади, - деди Оливье Жиру.
37 ёшли тўпурар Франция терма жамоасида 2011 йилдан бери тўп тепиб келаётган эди. Шу пайтга қадар Жиру бош жамоада жами 137 та ўйинда майдонга тушиб, ўз ҳисобига 57 та гол ва 15 та ассист ёздириб қўйди.
Оливье Жиру терма жамоада энг кўп ўйин ўтказган футболчилар орасида дарвозабон Уго Льорис ва ҳимоячи Лилиан Тюрамдан кейин учинчи ўринда қайд эдилган. Гол уриш бўйича Франция терма жамоаси тарихидаги энг зўр тўпурар ҳисобланади.
Оливье Жиру 2018 йили жаҳон чемпионатида ғолиб чиққан бўлса, тўрт йилдан кейин мундиалнинг кумуш медали билан тақдирланган. 2016 йилги Европа чемпионатида ҳам вице-чемпион бўлган.