Энди бизга Холанд керак эмас!
- 22-декабр 2025, 10:48
- Zohir Toshxo’jayev
- 0
- Футбол
“Манчестер Сити” тўпурари Эрлинг Холанд клуб билан 2034 йилнинг ёзигача давом этадиган шартномага эга эканига қарамай, 2026 йилнинг ёзида уни трансфер қилишга уриниб кўрмоқчи бўлган клублар бор.
Хусусан, “Реал” президенти Флоретино Перес ўз жамоасида Килиан Мбаппе ва Эрлинг Холанддан таркиб топган ҳужум тандемини ўйнатишни анчадан бери орўзу қилиб келаётгани ҳақида хабарлар тарқатилганди.
Сўнгги маълумотларга қараганда, “Реал” клуби Холанд трансферини амалга ошириш ғоясидан воз кечган. Бу ҳақда журналист Экрем Конур хабар берди.
Манба маълумотларига кўра, мадридликлар франциялик ҳужумчи Килиан Мбаппе жамоанинг барча ҳужумдаги эҳтиёжларини тўлиқ қоплаяпти, деб ҳисоблайди. Шу сабабли “Реал” норвегиялик голеадорни трансфер қилиш вариантини кўриб чиқмайдиган бўлди.
Жорий мавсумда 25 ёшли Холанд барча мусобақаларда ўтказилган 23 та учрашувда 25 та гол уриб, 4 та голли узатма берди. Transfermarkt мутахассислари ҳужумчининг бозор қийматини 200 миллион евро, деб баҳоламоқда.