Элдор Шомуродов қачон асосий таркибга киради? Ҳамюртимизни Андрей Шевченкога қиёслаётганларга Хайрулла Ҳамидовдан жавоб

Охирги пайтларда Элдор Шомуродовнинг Италиядаги фаолиятига шубҳа билан қарайдиганлар кўпайиб қолди. Яъни, ҳужумчимиз майдонга тушмаётгани учун айрим инсонлар Элдорнинг у ерда ўйнашига ҳали эрта эди, бекор кучли чемпионатга борди, деган гапларни айтмоқда. Бу борада мутахассисларнинг фикрини билиш мақсадида таниқли шарҳловчи Хайрулла Ҳамидовга юзландик. Шарҳловчи SPORTS.uz сайтининг “youtube”даги саҳифасида "Элдор Шомуродов “Женоа”нинг асосий таркибига кириши учун нималарга эътибор қаратиши лозим?”, деган саволга жавоб берди.

Элдор Шомуродов “Женоа”нинг асосий таркибига кириши учун нима қилиши керак? – Даврон Файзиевдан жавоб

Бугун “Женоа” ўйнайди. Элдор Шомуродовчи?

– “Женоа” Италияда ўртамиёнадан пастроқ жамоа. Ўтмишда яхши дамлари кузатилган. Лекин ҳозирги ҳолатини у қадар мақтай олмайман. Бироқ Элдор Шомуродов қайси клубга боришидан қатъи назар “Женоа”ми, “Кротоне”ми фарқи йўқ, у Италия А Сериясига йўл олаётгани учун олқишлардик. Унинг генуяликлар сафидаги ўйинларини кўрдик. Ҳамюртимиз жуда ёмон ҳам, яхши ҳам таассурот қилдирмади. Биринчи “Верона”га қарши қийин ўйин ўтказилганда, Элдор ҳақида бир нарса, деб бўлмайди. Чунки у ерда Шомуродов биринчидан ҳали жамоанинг боғламларида қатнашмагани билинди. Бошқаларга қараганда, анча жонини бериб ҳаракат қилди. Қолаверса, генуяликларнинг жуда кўп футболчилари коронавирусга чалиниб, майдонга туша олмаётганди. Шунинг учун ҳозирдан хулоса чиқармаган бўлардим. Лекин “Женоа” Элдор Шомуродовнинг услубига жуда мос тушади, дея олмайман. Сабаби у ҳужумкор клуб эмаслиги боис, Элдор жуда кўп “қора ишлар”ни қилишга мажбур бўляпти. Таянч ҳудудга ўтиб, тўпни олишга интилмоқда ва биринчи мавсумини Италия А Сериясида ўтказаётган футболчи учун бу оғир.

Ҳамюртимизни Андрей Шевченко билан қиёслашяпти. Украиналик форвард “Милан”га борган! Ўша пайтдаги “Милан” ҳозиргисидан анча қўрқинчли эди. Табиийки, ҳужумкорлик талаб қилинган пайти Шевченко бор иқтидорини намойиш эта олган. Ҳозир эса, Элдор Шомуродов яхши ҳислатларини кўрсатишига имкон беришмаяпти. Боз устига у жароҳатланди, бир қатор турларни ўтказиб юборди...

Аҳволи ёмонлашган "Женоа" бугун вазиятни бироз бўлса ҳам ўнглай оладими? Бунинг учун Шомуродов жамоасида имконият бор

Элдор Шомуродов фаолият юритаётган "Женоа"нинг кейинги ўйин учун қайдномаси эълон қилинди (Фото)

Ҳамюртимиз жамоасининг асосий таркибига кириши учун бироз вақт керак. Чунки бирданига асосий таркибга кирди, кўрди, қийин аҳволга тушиб қолишини билди. Яхшиси, баъзи учрашувларда иккинчи таймда майдонга тушиб, рақиб чарчаган пайти имконият излаши керакми?! Ҳозирдан шошилмаслик керак, деб ўйлайман. Чунки “Женоа” Элдор Шомуродовнинг хусусиятларини юз фоиз очиб берадиган клуб эмаслиги ойдинлашди. Аммо унга омад!

Мавсум охиригача анча вақт бор. Пандев билан яхши шерик бўлаётганлигини кўрдикку, бироқ унинг рақобатчилари ҳам пайдо бўлди. Рақобатчиларнинг борлиги Элдор Шомуродовнинг ўсишига хизмат қилади. Умид қиламанки, ҳамюртимиз мана шу йилнинг охиригача асосий таркиб ўйинчисига айланади, - деди Хайрулла Ҳамидов.