Элдор Шомуродов: Эртага кўришамиз, римликлар!

Италиянинг "Женоа" клуби шарафини бир мавсум давомида ҳимоя қилган легионеримиз Элдор Шомуродов бошқа жамоа билан шартнома имзолади.

Жозе Моуриньо бошқарувига ўтган "Рома" либосини кийган ҳамюртимиз эртага Рим шаҳрига учиб бориши ва тиббий кўрикдан ўтишига ишора қилди. Футболчимиз ўз "Твиттер" саҳифасида "эртага кўришамиз, римликлар!",-дея ёзиб қолдирди.

Аввалроқ, бу борада Италиянинг машҳур сайти "Calciomercato" ўз тахминларини билдирид ўтганди ва кўриниб турибдики, воқеалар аслида ҳам шундай тус олмоқда.

Маълумот учун, Шомуродов "бўрилар" сафида ижара асосида кўчиб ўтди. Унинг трансфер нархи 16 миллион еврога баҳоланмоқда.